როგორ გავზარდოთ ცნობადობა ?
როგორ გავზარდოთ გვერდის ცნობადობა ციფრული მარკეტინგის მეშვეობით? რომელი პლატფორმებია ყველაზე ეფექტური საქართველოში?
ცნობადობის გაზრდა – ეტაპები:
1. რამდენად კარგად იცნობთ თქვენს მომხმარებელს – განსაზღვრეთ ვინ არის თქვენი პოტენციური მომხმარებელი, რა სურს, როგორ მოქმედებს, რის საფუძველზე იღებს გადაწყვეტილებას და სხვა.
2. ძლიერი მხარეები – განსაზღვრეთ თქვენი ორგანიზაციის ძლიერი მხარეები, მაგალითად: მაღალი ხარისხის პროდუქტი, დაბალი ფასი, პროდუქტის გარკვეული თვისებები, რაც არ ახასიათებს კონკურენტის პროდუქტს და სხვა.
3. მთავარი მესიჯები – რას სთავაზობთ მომხმარებელს. აღნიშნული ელემენტი ეყდნობა თქვენი ორგანიზაციის ძლიერ მხარეებს, რის საფუძველზეც განისაზღვრება სარეკლამო მესიჯი.
4. პიარის პლატფორმა – რომელ პლატფორმაზე უნდა განხორციელდეს პიარ-ღონისძიებები?
თქვენ ზუსტად შეძლებთ პლატფორმის განსაზღვრას თუ თქვენ კარგად იცნობთ თქვენს მომხმარებელს, იცით რას და რატომ აკეთებს, ასევე ზუსტად გაქვთ გაცნობიერებული თქვენი ორგანიზაციის ძლიერი მხარეები.
5. რეკლამის ფორმატი – რა ფორმატში უნდა განხორციელდეს თქვენ შესახებ ინფორმაციის მიწოდება პოტენციური მომხმარებლისთვის? ვიდეო რეკლამა, ფოტო-ბანერი, ანიმაციური ვიდეო?
სწორი ფორმატის განსაზღვრა არსებითად მნიშვნელოვანია წარმატების მისაღწევად.
რა ხელსაწყოებია საჭირო ცნობადობის გასაზრდელად?
ორგანიზაციის ბრენდინგი – სახელწოდების მოფიქრება და ლოგოს დამზადება ასე იწყება თქვენი კომპანიის ბრენდინგი, რაც ორგანიზაციის სწრაფი განვითარების საფუძველია.
საიტის შექმნა – ეს არის თქვენი ციფრული ჰაბი ინტერნეტში, სადაც განსაზღვრული დეტალური ინფორმაცია თქვენი საქმიანობის შესახებ, მათ შორის ინფორმაცია თქვენი პროდუქტებისა და მომსახურების თაობაზე, საკონტაქტო მონაცემები და სხვა.
მარკეტინგული სტრატეგია – სწორი მარკეტინგული სტრატეგია დაგიზოგავთ ფინანსებს და დროს.
ტოპ პლატფორმები ცნობადობის გასაზრდელად
სოციალური მედია არის საუკეთესო საშუალება, ყველაზე უფრო სწრაფად და მცირე ფინანსებით მოახდინოთ თქვენი ორგანიზაციის ცნობადობის ზრდა.
Facebook რეკლამა – ყველაზე ეფექტური საშუალება გვერდის ცნობადობის გასაზრდელად.
რეკლამა ინსტაგრამზე – არანაკლებ პოპულარული პლატფორმა, განსაკუთრებით აქტუალურია ახალგაზრდებს შორის, ასევე განსაკუთრებით ეფექტურია გარკვეული ტიპის ბიზნესისთვის, მაგ: სილამაზის ცენტრები, სალონები და სხვა.
Youtube-ზე რეკლამირება – ყველზე ეფექტური ვიდეო რეკლამის პლატფორმა საქართველოში.
რეკლამა გუგლში – ერთ-ერთი ყველაზე მძლავრი სარეკლამო პლატფორმა, განსაკუთრებით შედეგიანია რეკლამა გუგლის საძიებო სისტემაში, რომელშიც ქართული ინტერნეტ მომხმარებლების 95% ახორციელებს ძიებას.
Tik-tok – მართალია რეკლამა ტიკტოკზე ამ ეტაპზე არ არის შესაძლებელი, თუმცა ეფექტური კონტენტის განთავსებით თქვენ მაინც შეგიძლიათ მოიზიდოთ პოტენციური მომხმარებლები.