ონლაინ მაღაზიის დამზადება

როგორ ვმართოთ ონლაინ მაღაზია? ეს საკითხი უმჯობესია მის შექმნამდე იქნეს განსაზღვრული, მათ შორის რა ტექნიკური და ფინანსური რესურსების გამოყოფა იქნება საჭირო ინტერნეტ მაღაზიის სამართავად.

შეგვიძლია გამოვყოთ ორი მიმართულება:

ტექნიკური მხარე – ნებისმიერი ინტერნეტ მაღაზია საჭიროებს ტექნიკურ მომსახურებას, მიუხედავად მისი მოცულობისა ან კომპლექსურობისა, რათა თავიდან იქნას აცილებული ტექნიკური სახის პრობლემები, მათ შორის საიტის გაფუჭება, დავირუსება და სხვადასხვა შეფერხებები.

მნიშვნელოვანია ტექნიკური უზრუნველყოფა განახორციელოს კომპეტენტურმა პირმა ან ორგანიზაციამ, ეს შეიძლება იყოს შიდა კადრი ან აუთსორსინგის მეშვეობით გარე პირი ან ორგანიზაცია.

ასევე მნიშვნელოვანია გვახსოვდეს, რომ აუცილებელია პრობლემის პრევენცია და არა უკვე წარმოშობილ პრობლემაზე რეაგირება, რადგან ამ შემთხვევაში შესაძლოა დიდი ხნით შეფერხდეს ონლაინ მაღაზიის ფუნქციონირება, რაც ფინანსურადაც არ არის მომგებიანი.

კონტენტის მართვა – ძირითადად საუბარია პროდუქციის მენეჯმენტზე, მათ შორის ახალი პროდუქციის დამატება, ძველი პროდუქციის წაშლა, ინფორმაციის რედაქტირება, მათ შორის მიტანის პირობებისა და სხვა საჭირო ინფორმაციის შეცვლა.

პროდუქციის რაოდენობის მიხედვით შესაძლებელია ამ საკითხის გადაბარება რომელიმე თანამშრომლისთვის ან აუთსორსინგზე გატანა.

მნიშვნელოვანია ონლაინ მაღაზია ისე გაკეთდეს, რომ მარტივი იყოს პროდუქციის დამატება, შეცვლა და რედაქტირება.